2024-09-22
回應朋友對以下專欄的意見
“老尾社團成員既要用打大數手法去打壓中國科技，目的迎合時髦擊打中國議題，要蒙騙無知選民賺取選票，同時也要照顧老美晶片高企(社團金主) ，目前中國仍是最大買家，沒有祖國就沒有它！既恨中國又愛金錢😂
假如三五年後，其他中國品牌全部採用國產晶片，屆時無利可圖，也無利用價值！必然其他品牌也遭受制裁，仿如中國電動車入美情景一樣。前設條件，老美社團江湖規矩不變。
君不見老美社團擅玩兩面把戲，視手法為政治手腕藝術！一面與主席談笑握手，另一面出手打壓中國。意義是社團龍頭老大向美民說，佢同中國領導人有偈傾，但係中國也在佢手掌操控中，氣喉也揑在他手中。讀懂就明白為何龍頭老大間唔中，又派艘武裝遊船去台海暢遊，意義是這世界係佢話事！”
講到尾，資本思維就係要賺盡最高收益，尤其是而家嘅華爾街根本唔會花時間去諗下點樣揼石仔。你人工平成本低不搵搵你做，做到對佢有威脅咁咪買起你，你唔肯賣咪促進所有污糟邋遢手段甚至用政治打壓務求攞到手，咁都唔得就索性消滅你。啲個遊戲不斷上演，甚至玩到連佢哋自己個所在國都玩殘埋，去到嗰個國家冇曬價值嘅時候，資本就會四出逃走去搵另一個宿主。
芯片本身分好多種，亦都好多級數，不能夠單討論。手機市場實在由於在體積同耗電有相當要求，美國廠商仲有佢技術領先嘅一面，亦有佢生存嘅空間。但近年高通嘅高端芯片市場逐漸比聯發科等亞洲廠商蠶食，同時國家因應科技戰大戰略不斷鼓勵國產芯片發展，更多嘅產品將會陸續推出市場。而桌面電腦嘅cpu，由於技術含量比較複雜，而且需求相對冇咁大，發展有少許遲，但仍有國產方案正在逐漸推出市場，但由於arm和x86等架構專利都在西方手中，到最後都係要向國產系統進發，但係一個市場咁大總唔能夠一閃而改，總要時間，中國政府已經默默改造好幾年，只係一般市場未必能夠察覺。
文中提到四大國產手機品牌在各個領域都不斷創新只係好多人都淨係聽到人講芯片就以訛傳訛，而沒殺呢啲廠商嘅努力。好似傳音呢間深圳公司基本上拿下咗非洲大部分市場，vivo在充電技術有佢嘅獨門一套，同時又發展佢自己嘅手機gpu拿下遊戲手機嘅市場。呢啲廠商在不同領域都有佢嘅生存空間而唔係好似蘋果三星咁攞咗個市場後，就利用品牌效應不斷地用市場營銷去割韭菜，但係唔肯對科技開發投入，最終只會丟失市場，消失於科技嘅鴻溝裏面
再提到光刻機，更加“炒埋一碟講”。首先光刻機並唔係老美一個可以話事，實在喺光刻機領域，美國擁有嘅專利只係少數，而且並唔係沒有替代。晶片製造工藝極之複雜，光刻只是其中一個環節，而且單單一部光刻機裏面已有過萬個專利；當中牽涉美國嘅只在小數，美國實在係利用霸權行為去阻止asml出貨。什麼唧牙膏根本就係亂講